Во рамки на одбележувањето на 18-ти август Денот на Армијата на Република Македонија, министерот за одбрана Зоран Јолевски и началникот на Генералштабот на АРМ генерал-потполковник Горанчо Котески денеска ќе остварат средба и работен ручек со поранешните началници на ГШ на АРМ и пензионираните генерали на АРМ.
На средбата со пензионираните генерали ќе присуствуваат заменик-министерот за одбрана Арбен Лабеништа, заменик началникот на генералштабот на АРМ генерал-потполковник Насер Сејдини, државниот секретар во МО Сашо Стефаноски и директорот на ГШ на АРМ генерал-мајор Димче Петровски.
Пензионираните генерали, на средбата ќе бидат информирани за достигнувањата на АРМ на полето на реформите и трансформацијата, моменталниот статус на единиците, како и предизвиците на АРМ во наредниот период.