„Општина Центар го започна пролетното чистење на одводниот канал во „Мало курило“, кој се наоѓа над улицата „Загребска“ и ресторанот „Два Елена“.
Каналот ги собира големите води на Водно и е брана од можно поплавување на овој дел на Центар. За жал, не беше исчистен повеќе од десет години и, како што може да се види од дел од фотографиите, беше полн со смет, зараснати трски и гранки. Во летниот период, змиите и комарците беа опасност за граѓаните.
Службите од општината веќе почнаа со рачно чистење на каналот, а од понеделник влегува и механизација.
Градоначалникот на општина Центар, Андреј Жерновски ги повикува и другите градоначалници кои имаат вакви канали на Водно да ги исчистат, бидејќи при големи врнежи од дожд може да дојде до поплавување на половина град.
По средбата на жителите со градоначалникот Жерновски, поставена е ограда во должина од 100 м на улица „ Загребска“. Оваа заштитна ограда е поради безбедноста на граѓаните и опасноста од излизгување“, се вели во соопштението на Општина Центар.
