Кочанското село Долни Подлог е најтешко погодено од синоќешното невреме, улиците и дворовите на куќите се поплавени.
Тимот на Градскиот фудбалски клуб Осогово е на терен и му помага на населението.
Тие преку Твитер, упатуваат апел до сите кои се во можност и имаат механизација за испумпување на вода, да им помогнат на жителите на Долни Подлог.
Од УХМР предупредуваат дека до недела ќе преовладува променливо облачно време со услови за пороен дожд и грмежи, а на места и во форма на невреме со интензивен дожд.