Казни затвор од по 20 години добија обвинетите Џемаил Браими и Јасмина Махмуд за убиството на тригодишната Мевљана што се случи лани, во куќа на Бит пазар, во Скопје.
Пресудата ја објави денеска Основниот суд Скопје 1 – Скопје. Вооедно, се посочува во соопштението од Судот, кривичниот совет по предлог на Јавниот обвинител ја продолжи мерката притвор за Џемаил Браими и мерките за претпазливост за обвинетата Јасмина Махмуд до правосилност на пресудата односно до започнување со издржување на казната затвор.
Мевљана, според обвинението, била претепана до смрт со електричен кабел оти се измокрила на тепихот.
Џемаил и Јасмина ги чувале трите деца додека нивната мајка, со која делеле ист покрив, била на работа. По трагедијата и се јавиле и и рекле дека девојчето паднало по скали, но резултатите од обдукцијата покажаа дека смртта кај малото девојче била насилна.
Фото: МИА