Општина Центар започна со решавање на проблемот на жителите на Крњево, кој е стар повеќе од 20 години. Започната е санација на дел од улиците во населбата Крњево. Со поставување нов асфалт во дел ќе се зголеми безбедноста на пешаците и на учесниците во сообраќајот.
Станува збор за следниве улици: Штипска, 166, 164-крак, 165 и 172 За нив граѓаните пријавија дека има оштетување, што беше констатирано и од надлежните служби на општината, кои веднаш излегоа на терен и започнаа со санација на истите, соопштуваат од Општина Центар.
Општина Центар апелира до жителите да пријават оштетувања за да можат надлежните да излезат на терен, да констатираат и да ги решат проблемите.