„Жалосно е што Фондот за здравствено осигурување не го препознава крајно негативното влијание на овој предлог во зголемувањето на родовиот јаз во Република Македонија и намален пристап на жените до пазарот на труд.
Иако проектот за исплата на породилните отсуства преку фирмите е предвиден да се имплементира до 2016 година насоките се јасни и основната цел што самиот ФЗОМ ја поставува е побрза исплата на породилните отсуства.
Од друга страна, во извештаите на ФЗОМ како главно постигнување е наведено дека породилните отсуства редовно се исплаќаат.
Бидејќи тоа што стои во извештаите и она што е зацртано во овој предлог проект е контрадикторно, прашањето е каде лаже ФЗОМ? Во извештаите или во предлог проектот?
Фондот за здравствено осигурување е должно на граѓаните, на жените родилки и на идните мајки да им објасни која е позадината на овој предлог проект“, се вели во писмената реакција на СДСМ на соопштението на Фондот за здравствено осигурување на Македонија.