Митрополитот европски Пимен повторно реагира на фејбук страната на Европската епархија на денешните случувања пред општината Центар кои се случија во име на верата.
„Христијани мои кои ја браните црквата!
Ај што повторно направивте материјална штета а патем од тоа немаше ефект ама што не размисливте христијански барем дека со толку фрлени јајца можевте да нахраните сиромашни и гладни деца што бараат макар и расипано јајце во контењерите, тоа боли повеќе…
А башка и не одделува од Бога… “, напиша Отец Пимен.
Тој засега е единствениот што се дистанцира од насилното однесување на тие што демонстрираат во име на верата.
Тоа не го направи владиката Агатангел кој и денеска изјави дека Жерновски требало да го собере и да им каже дека не се урива црквата, но сега откако дознал нема да протестирал. Сепак тој го нападна владиката Пимен и не му било јасно зашто критикувал.
Агатангел кажа дека на протестите бил со благослов на архиепископот Г.Г. Стефан, со кого пак утре во 10 часот средба има градоначалникот на општина Центар Андреј Жерновски.
По денешните протести, во општина Центар е повторно уништен дел од инвентарот. Беа фрлени стотици јајца на општинската барака, скршени прозорци, уништен дел од железната ограда.