Две државјанки на Србија и жител на струшкото село Калишта се приведени откако во алкохолизирана состојба го нарушиле јавниот ред и мир пред угостителски објект во Охрид.
Како што соопшти МВР, на 31 јули околу 7:30 часот во СВР Охрид биле приведени Н.Ш. (42) од Калишта, Ј.Ц. (45) од Лесковац и Н.Б. (30) од Крушевац.
Според полицијата, по претходна пријава било утврдено дека меѓу двете српски државјанки избувнала физичка пресметка, по што Н.Ш. физички ја нападнал Н.Б.
При алкотестирањето кај двете државјанки на Србија биле измерени 2,21 и 2,18 промили алкохол во крвта, додека кај Н.Ш. биле регистрирани 1,52 промили.
По целосното документирање на случајот, против тројцата ќе биде поднесена соодветна пријава.