СВР Скопје поднесе кривична пријава против М.Ш.(32) од Скопје за сторено кривично дело „напад врз службено лице при вршење работи на безбедноста“.
Завчера во 13:45 часот, на ГП Аеродром „Александар Велики“ во Скопје, откако пријавената одбила да и биде извршена царинска контрола, почнала вербална расправија и одбила да се легитимира, физички нападнала полициски службеници нанесувајќи им телесни повреди, а на еден од полициските службеници му ја искинала униформата.
При извршениот алкотест на пријавената е утврдено присуство на алкохол во крвта од 0,35 промили.