Синоќа на подрачјето на општина Аеродром, полициски службеници го уапсија Н.А.(56) од Скопје. Претходно, на улицата „Владимир Комаров“, тој со возило „субару“, кое го управувал, удрил во паркирано возило „фолксваген голф“.
При преземање мерки во врска со сообраќајната незгода било констатирано дека тој го управувал возилото под дејство на алкохол, односно му биле измерени 2.57 промили алкохол во крвта.
Тој бил задржан во полициска станица, а по целосно документирање на настанот против него ќе биде поднесена пријава по член 297-а од Кривичниот законик-„безобѕирно управување со моторно возило“.