Скопјанец со дури 3,29 промили алкохол во крвта предизвикал сообраќајна незгода во Скопје, по што бил лишен од слобода.
Инцидентот се случил вчера околу 15:10 часот на улицата „Пролет“, каде 34-годишниот И.А.Л. од Скопје, управувајќи автомобил „Матиз“ со скопски регистарски ознаки, учествувал во сообраќајка со „Хонда“, управувана од 20-годишниот Д.П. од Скопје.
Во незгодата била причинета материјална штета. При увидот, полициските службеници утврдиле дека 34-годишникот возел под дејство на алкохол, при што алкотестирањето покажало неверојатни 3,29 промили алкохол во крвта.
И.А.Л. бил лишен од слобода во 17 часот. За случајот бил известен јавен обвинител, а возилото било одземено.
По целосното документирање на случајот, против него ќе биде поднесена соодветна пријава.