Петто место за студенти од штипскиот Економски факултет на меѓународниот натпревар „Rotman International trading“

Од:

Четворица студенти од Економскиот факултет при Универзитетот „Гоце Делчев“ (УГД) -Штип го освоија петтото место на натпреварот за тргување на берзи „Rotman International trading“, кој се одржа во Италија кон крајот на месец август.

Студентите и нивната менторка денеска остварија средба со ректорот на УГД-Штип, Блажо Боев.

Менторката Елена Весилнова вели дека идејата на овој престижен европски натпревар е да се тестираат потенцијалите на студентите, колку можат во симулирана ситуација на тргување, која што во целост ги имплементира реалните услови на тргување на светските берзи, да ги демонстрираат своите знаења.

– Нашиот постигнат резултат со овие исклучителни луѓе ни најмалку не е случаен, бидејќи се должи на напорна подготовка, исклучителна посветеност и на квалитети како индивидуи кои што беа мултиплицирани со нивниот тимски дух, вели Веселинова.

Деканот на Економскиот факултет, Трајко Мицевски забележа дека ова е доказ дека на штипскиот универзитет студираат студентите, кои веднаш можат да одговорат на потребите на стопанството, а високиот резултат за нив е голема сатисфакција, бидејќи станува збор за натпревар во кој учествуваат студентите од 40 европски универзитети.

-Зад нас остана многу факултети и Универзитети кои се на Шангајската листа, со тоа ние докажавме дека нашите студенти имаат јаки вредности со знаење и способности, култура и однесување, вели Мицевски.

Боев рече дека како Универзитет е особено важно студентите да учествуваат на вакви меѓународни натпревари, а како високообразовна институција и понатаму ќе ги поддржуваат студентите од сите факултети, кои сакаат да учествуваат на вакви натпревари на кои се покажува стекнатото знаење.

Би можело да ве интересира

МОН: Поради голем интерес до 25 декември може да се аплицира за финансиска поддршка за учениците

Осум важни достигнувања за осум години: Иновации на Бреинстер што го менуваат образованието

Горан Наумовски

Септемвриските плати во основното и средното образование ќе бидат повисоки за 15 oтсто

МОН ветува – ниту еден наставник нема да биде отпуштен, ниту ќе добива помала плата

А1он

Егзодус во Прилеп: 300 деца отпишани од училиште за шест месеци поради селење во странство

Катерина Ѓуровски

Усписите на ученици во средно образование во две пријавувања во јуни

Ана Ололовска