Петтите избори за локална власт во струмичко донесоа промени само во општина Ново Село, таму првично неофицијално градоначалник ќе биде кандидатот од ВМРО-ДПМНЕ, Блажо Велков, а втор мандат не доби досегашниот Петар Спасов од СДСМ.
Според податоците од изборниот штаб на Зоран Заев, коалицијата Сојуз за иднината го исполнила цензусот и Заев е избран за градоначалник уште во првиот круг.
– Според нашите податоци до сега имаме освоено 19.000 гласови, наспроти 16.900 гласови на ВМРО-ДПМНЕ, значи имаме разлика од 2.100 гласови и го исполнуваме цензусот уште во првиот круг и објавуваме победа, рече синоќа Зоран Заев.
Своите втори мандати, уште во првиот круг ги обезбедија актуелните градоначалници од ВМРО-ДПМНЕ на Босилово, Љупчо Колев и на Всилево, Ване Стојанов.