Техничката заменик-министерка, Славјанка Петровска, објави дека за два часа од почетокот на полицискиот час, вечерва во Тетово се приведени три лица кои не ја почитувале забраната за движење. Таа ги посети пуктовите низ градот и посочи дека полицијата постапува во интерес на граѓаните.
„Вечерва сум во посета на безбедносните пунктови на територија на СВР Тетово. Разговарав со припдниците на МВР кои се поставени на безбедносните пунктови Монопол, Медицинско учлиште и Боговиње. До овој момент приведени се три лица кои не ја почитувале забрана за движење, а вкупно 40 возила се контролирани. Полицијата постапува во интерес на граѓаните и се грижи за доброто на сите нас. МВР за граѓаните“, посочи Петровска.
Полицијата од полициската станица Гостивар во првите три часа од полицискиот час исконтролирала 29 возила, односно легитимирала 31 лице.
Полицискиот час почнува во 21 часот и трае до 5 наутро.