Славјанка Петровска, дополнителната заменичка министерка за внатрешни работи, реагира на прес-конференцијата на ВМРО-ДПМНЕ, на која обвинија за криминал од околу 12 милиони евра за набавката на новите лични документи и пасоши.
„Институциите работат и ќе ги испитаат сите наоди, па макар тие биле и паушални обвинувања поттикнати од партиски интереси. За ваша информација, компанијата која ја обвинувате за соучесник во наводен корупциски криминал е германска компанија во која 40% сопственик е државата, СР Германија“, пишува Петровска и додава:
„За да се борите против криминалот треба да го осудите криминалот во сопствените редови. Следниот пат кога ќе застанете пред камера со обвинувања, прво проверете дали ги знаете сите информации или сте наседнале на нечија провокација или непознавање. Постапката за набавка на обрасците за лични документи е спроведена и договорот е склучен согласно Законот за јавни набавки“.