СДСМ е подготвен да коалицира со ВМРО-ДПМНЕ во Кичево на локалните избори. Ова, за А1, го најави пратеникот и генерален секретар на СДСМ, Андреј Петров.
„Она што им го кажавме на нашите политички опоненти од ВМРО-ДПМНЕ е дека за Кичево сме спремни да соработуваме. Нека понудат кандидат кој ужива доверба кај народот и СДСМ ќе го поддржи“, рече Петров.
Во однос на Струга, Петров вели дека ВМРО-ДПМНЕ еднаш веќе го прекршил договорот со нив.
„За Струга минатиот пат имамвме обид, меѓутоа бевме непријатно изненадени од нивна страна. Тие го нарушија договорот кој претходно го постигнавме.
– Секогаш кога некој ќе го изгуби кредибилитетот потоа тешко го враќа. За Струга потребен е поширок коалиционен настап на престојните локални избори за да може да се победи актуелниот градоначалник Рамиз Мерко кој најавува дека повторно ќе биде кандидат за градоначалник на Струга.
– Сметам дека во Струга имаме шанса со коалиционен настап да победиме. Кога зборувам за коалицирање, зборувам за партиите од опозицијата во Струга“, изјави за А1, Андреј Петров-Генерален секретар на СДСМ.
Мики Трајковски