Кандидатот за градоначалник на општина Карпош од СДСМ, Андреј Петров денеска на сите жени и на наговата противкандидатка од коалицијата „За подобра Македонија“ Јагнула Куновска им го честита 8 Март – Меѓународниот ден на жената.
Честитајќи и го празникот на неговата противкандидатка, Петров и порача да не се оптоварува со неговата програма која, како што рече, не е препишана туку произлегува од потребите на граѓаните.
– Ја користувам оваа прилика да и го честитам овој празник и на мојата противкандидатка Јагнула Куновска, меѓутоа во исто време да и порачам да не се оптеретува со програмата на Андреј Петров за Карпош бидејќи таа е испишана на секоја педа од територијата на општина Карпош. Смешно е тврдењето дека нешто од вас сум препишал, тоа граѓаните добро го знаат, рече Петров.