Опозицијата најави дека со денешната блокада кај Симпо завршил предупредувачкиот дел и бидејќи нема никаква реакција од власта, не прифаќаат дијалог за организирање на предвремени парламентарни и локални избори, од понеделник протестите и блокадите се радикализираат и ќе се блокираат по три раскрсници во Скопје.
„Уште еднаш апелираме до Груевски. Крајно време е да не ги затвора очите за бруталноста која ја спроведоа и низ политички дијалог да се седне и да се договорат фер и демократски локални и предвремени парламентарни избори“, рече Андреј Петров.
Опозицијата има целосно разбирање за граѓаните но, велат и саммите граѓани бараат да се издржи бидејќи Македонија мора да се спаси.