Кандидатот за градоначалник на Карпош од СДСМ, Андреј Петров, на вечерашната дебата во емисијата „Вин-вин“ го обвини Стефче Јакимовски дека бркал од работа членови на СДСМ вработени во општината, само зашто се појавиле во штабот на Петров.
Тој покажа и документ со името и презимето на избркан човек, а Јакимовски не реплицираше.
Јакимовски не е доволно силен за да го споредувате со СДСМ. Социјалдемократскиот сојуз е партија која ќе ја преземе централната власт за скоро време. Јакимовски не е политичка партија – рече Петров.
Лично се чувствуваме повредени, вели тој, и не заслуживме таков однос од човек кој седел со нас на маса. За мене лојалноста не е хендикеп, тоа е квалиетет, интересот на граѓаните на Карпош не е Стевчо, туку рушење на Никола Груевски.
Јас отидов да го барам тоа што е наше, значи карпошовото, да не ја испуштиме општината на Јагнула Куновска, рече Јакимовски.
Ние не сме две страни, тој е поединец, тој не е доволно силен за да го споредувате со СДСМ. СДСМ е партија која ќе ја преземе централанта власт наскоро во државата, изјави Петров.