Петров: ФЗО има долг од 5 милиони евра

Од:

СДСМ од пред зградата на Фондот за здравствено осигурување посочи дека оваа институција има долг од нови 5 милиони евра за само четири месеци.

„Од јануари кога долговите на Јавните здравствени установи изнесувале 25, во април пораснале на цели 30 милиони евра. Ова се официјалните бројки напишани во Извештајот посветен на финансиите во Фондот и јавните установи“, рече Андреј Петров од СДСМ.

Петров праша дали се ова реформите во здравството на министерот Никола Тодоров.

„Наместо јавното здравство да го врати долгот и да им овозможи на фирмите да функционираат- здравствените установи се повеќе заглавуваат во долгови и со тоа го загрозуваат квалитетот на услугите од една, а го оневозможуваат функционирањето на стопанството од друга страна?

Брзиот раст на долговите е показател дека државата има погрешна стратегија за општествените приоритети. Не постои општество каде златна ограда е поважна од инсулин, каде што жални врби се поважни од здравјето на новороденчињата, каде златните коњи и Прометеј во пелени се поважни од здравјето на луѓето“, изјави Петров.
Според Петров, кратењето од 10 милиони евра во здравството со последниот ребаланс на буџетот сериозно го загрозил здравствениот систем.

Би можело да ве интересира

Вработените во здравството ќе протестираат на 8 април, нема да добијат усогласување со минималната плата

Протест на лекарите специјализанти, во тек состанок со претставници на Министерството за здравство

Синдикати бараат новиот министер за здравство да ги потпише анексите усвоени од Влада

Скопјани имаат најголеми, а жителите на Крушево најмали можности за здравствена заштита

Катерина Ѓуровски

Вработувањата на 1.117 лица во здравството не се предизборни, тие веќе работат по клиниките, тврди Ковачевски

Орце Костов

Ристески: Со одбивањето на амандманот од 20 милиони денари за подобрување на условите во Клиниката за радиотерапија и онкологија, власта покажа дека е против здравјето и животите на тие пациенти