Градоначалникот на Охрид, Александар Петрески, на охриѓани и на сите граѓани на република македонија им ја честита Новата 2013. година.
Еве што стои во честитката:
„Дозволете во мое лично име и во име на општина Охрид да ви ги честитам престојните новогодишни и божиќни празници со желба за многу здравје, срека и успех во наредната година.
Зад нас е уште една година која и покрај големите проблеми, успешно ја поминавме. Во време на голема економска криза успеавме да реализираме многу проекти, успеавме да го подобриме ликот на градот, да го продолжиме развојот на Охрид и да ги направиме граѓаните позадоволни. Покрај желба тоа е и моја должност.
И покрај сите потешкотии кои не опкружуваат денес, сите успеси во Охрид ги постигнавме меѓу другото и со Вашата поддршка. Вие сте основната клетка без која локалната самоуправа не би можела да функционира.
Наша обрска и должност е и во наредната година да го продолжиме развојот на нашиот град и сите заедно да го издигнеме на рамниште на светските туристички дестинации.
На крај, сакам уште еднаш, на сите граѓани да им посакам добро здравје пред се, среќа и успех и остварување на сите ваши планови во наредната година“.