Кандидатот за градоначалник на Охрид на коалицијата „Сојуз за иднината “ и актуелен градоначалник Александар Петрески денеска најави дека уште до истекот на оваа календарска година ќе вработи уште 1.500 граѓани на Охрид, како одговор на обвинувањата на неговите противкандидати за прекубројни вработувања во градските јавни претпријатија.
– За мене сите граѓани на Охирд се поеднаквно важни, никогаш не сум ги делел партиски, политички, рече Петрески нагласувајќи дека мора да им се обезбеди работа, егзистенција на луѓето.
Тој истакна дека не им се лути на уметниците, лекарите, директорите на институциите што зборуваат, како што рече, против него на пропагандните спотови на ВМРО – ДПМНЕ.
– Ве уверувам дека сите мои проекти што се во програмата, дури и оние 80 проекти на ДПМНЕ што се препишани од мојата, ќе бидат спроведени, дури и уште повеќе од тоа, ќе се завршуваат тековните работи како што носи времето. Ова го зборувам затоа што за мене покажуваат делата, а не делата што ги промовираат противканидатите, рече Петрески.