Петковски: Груевски во 2003 година го опструираше носењето на буџетот

Од:

Лидерот на НСДП Тито Петковски, смета дека владејачката партија во изминатите неколку дена ја манипулирала јавноста дека ќе се блокира државата ако не се донесе буџетот, бидејќи во 2003 година, Македонија функционирала со времено финансирање.

„Со таква ситуација Македонија беше соочена во 2002 година кога се носеше буџетот за 2003 година. По изгубените избори во септември 2002 година, тогашниот министер за финансии, сегашен премиер Никола Груевски, кршејќи го законот за буџети, што е потврдено од страна на Државниот завод за ревизија, го опструирал носењето на буџетот за 2003 година“, рече Петковски.

Според него, буџетот за 2003 година бил изгласан на 27 март 2003 година, а стапил на сила на 8 април 2003 година. Во тој период државата нормално функционирала и биле исплаќани, плати, пензии, социјална помош.

Од опозицијата велат дека граѓаните кои се корисници на пензии, социјална помош, приматели на буџетски субвенции, нема причина да бидат уплашени дека со неносењето на буџетот, овие трансфери ќе бидат блокирани.

„Значи не станува збор за крах на системот, туку ова е сеење магла и манипулација од страна на власта“, додаде Петковски.

Би можело да ве интересира

Усвоен Буџетот за 2023 година

(ВИДЕО) Марковска: Со Буџетот за 2023 година рекордни средства за земјоделството и капитални инвестиции

Ана Ололовска

Ристова: Буџетот за 2023 година обезбедува покачување на пензиите, на минималната плата и повеќе средства за општините

Ана Ололовска

Стојаноска: Покачување на плата во услови кога инфлацијата кај храната е 30 отсто е неопходност, а не расипништво

Ана Ололовска

Презентиран предлог Буџетот за земјоделство за 2023, историски најголем буџет со фокус на стабилно и зголемено производство на храна

Горан Наумовски

Николова: Буџетот за 2023 година обезбедува економска пресвртница и повисоки плати и пензии

Ана Ололовска