Пратеничката Жаклина Пешевска од ВМРО – ДПМНЕ од говорницата во Собранието им се обрати на граѓаните со објаснување за економските мерки за помош по кризата со коронавирусот. Таа и реплицираше на Сања Лукаревска од СДСМ која ги пофали досегашните економски политики.
„ Почитувани граѓани, ве замолувам да не живеете во илузии дека оваа Влада донела кој знае какви економски мерки. Сите тие ваучери што беа дадени беа од вашиот џеб. И ценете си ги посебно“, рече пратеничката Пешевска.
Таа смета дека власта потфрлила со мерките за заштита од коронавирусот и нагласи дека летото требало да биде искористено за подготовка на онлајн наставата, за набавка на учебници и подготовка на протоколи за учебната година да почне барем на 15 септември. Според неа 1 октомври е предоцна за стар на учебната година.