Малолетник е тешко повреден во сообраќајна несреќа што синоќа се случила во Кавадарци, информираа денеска од Секторот за внатрешни работи – Велес.
– Синоќа во 19.55 часот во ОВР – Кавадарци е пријавено дека на улица „Ленинова“ во градот, случена е сообраќајна несреќа. Притоа, пешак – малолетник, кој во моментот на несреќата туркал тротинет, се удрил во возило „волксваген тигуан“ управувано од Ј.Н., на возраст од 19-години од Кавадарци, појаснија од СВР – Велес.
Во несреќата, со тешки телесни повреди се здобил пешакот, констатирани во Општа болница – Кавадарци.
Известен бил јавен обвинител. Увид бил извршен од увидна екипа од ОВР – Кавадарци.