Седумдесет и седумгодишен жител на Гевгелија загина откако бил удрен со автомобил, вчера во Стар Дојран.
Како што соопшти полицијата, вчера околу 14 часот во близина на населба Карач во Стар Дојран се случила сообраќајна незгода во која автомобил „Опел Корса“ со светиниколски регистарски ознаки, а управуван од Д.С. (25) удрил во пешакот Ристо Б.(77) од Гевгелија.
Од незгодата, гевгеличанецот се здобил со повреди и бил пренесен во ЈЗУ-Гевгелија, а потоа и во ГОБ „8-ми Септември“ каде што им подлегнал на повредите.
Полицијата работи на целосно расчистување на случајот.
