Врнежливото време не ги спречи пензионерите од двете пензионерски друштва од Општина Карпош, ЗП „Тафталице ДДД“ и ЗП „Карпош“, да си ги одмерат силите во петте десциплини на овогодинешните Спортско пенизонерски игри.
Во организација и под покровителство на Општина Карпош и Одделението за спорт и култура при локалната самоуправа, третите по ред пензионерски игри поминаа во фер и спортска атмосфера. Со своето присуство ги почести и градоначалникот на општина Карпош, Стево Јакимовски и им напомена дека за девет години и тој ќе биде дел од овие игри.
-Јас навистина секогаш сум среќен кога сум во друштво со пензионерите, затоа што влегов и јас во 55-та година. Тоа значи дека за девет години чекајте ме зошто и јас ќе бидам дел од овие игри. Мило ми е што имаме добра соработка, што се поддржуваме и што имате дух за спортување. Секогаш вашите активности ги поддржуваме, а денеска ви посакуваме овој празничен ден да помине во фер и спортска борба. Да победат оние кои што се со најдобра кондиција и кои имаа најмногу дух во себе – рече Јакимовски, ги поздрави и им посака догодина да се повесели и со повеќе сила.
Дека годините не се важни се додека виталноста е присутна кај граѓаните од третото доба денес покажаа околу 80-на пензионери кои се натпреваруваа во пикадо (мажи и жени), трчање (60 метри жени и 80 метри мажи), фрлање ѓуле (мажи и жени), влечење јаже (мажи и жени) и скок во далечина (мажи). Оваа спортско рекреативна манифестација заврши со пригоден ручек, а победниците и поразените само го зацврстија нивното долгогодишно пријателство.
Пикадо (мажи):
1.Борче Здравковски
2.Миле Димитровски
3.Живко Велјановски
Пикадо (жени):
1.Божана Божинова
2.Радка Илиоска
3.Виолета
Трчање (60 метри жени):
1.Љубица Петрушевска
2.Верка Андонова
3.Пандора Тодоровска
Трчање (80 метри мажи):
1.Митко Михајловски
2.Павле Трајковски
3.Ристо Димитров
Фрлање ѓуле (мажи):
1.Павле Трајковски
2.Алексо Алексоски
3.Павле Марковски
Фрлање ѓуле (жени):
1.Цвета Миновска
2.Лепослава Митковска
3.Борка Стојковска
Скок во далечина (само мажи):
1.Ивчо Кралевски
2.Мирко Михајловски
3.Ноки Трајановиќ
Влечење јаже (мажи):
Победници ЗП „Тафталиџе ДДД“
Влечење јаже (жени):
Победници ЗП „Карпош“