Пензионерите од цела Македонија се одлучи во намерата да ги издејствуваат сите барања кои ги имаат до министерството за труд и социјална политика за покачување на пензиите, но и за промени во социјалната политика на државата кон следните пензионери.
Пензионерката Верче од Прилеп која е иницијатор за ваков голем протест, рече дека пензионерите се најединствени досега и дека нема да се повлечат и да потклекнат на провокации од политичките партии.
– Нека излезе Тренчевска и нека не испочитува, да види дека ние сме мирни и немаме никакви обележја. Кога штрајкуваше администрацијата, таа беше во првите редови со нив, зошто се плаши од нас. Министерке дојдете да направиме споредба со вашите 78% и нашите 6%.
Мотивот за протест е следниот. Ако тргнеме од 2018 година, просечната плата се зголемила за 13.000 денари, минималната за 11.000 денари, а просечната пензијата е зголемена за 4900 денари. Нашето зголемување за сите изнесува 1.750.000 евра месечно, а Владата одвои на непочнат автопат 175 милиони евра. Годишно за секој пензионер требаат 42.000 денари зголемување што ќе се употребат за огрев, струја и парно.
Во маркет во рафт не пишува цена за пензионери, во аптека или на пазар. Никој не не прашува со колку живееме – рече таа.
Пензионерите бараат ревизија да го испита работењето на Сојузот и да се види каде оди членаринат од 30 денари.
Тие бараат Владата да го почитува Законот за усогласување објавен од Државниот завод за статистика објавен од ноември 2021 година и да одреди минимална пензија од 18.000 денари. Сојузот на пензионери веднаш да се укине затоа што според нив не ги застапува интересите на пензионерите, а побараа да се укине членарината од 30 денари. Исто така бараат и зголемување на надоместокот за социјална помош на лица кои останале без работа се до остварувањето на правото на пензија и зголемување на надоместокот за мобилност.