Пендаровски во Варшава одликуван со Орден на Белиот Орел, претседателот Дуда со Орден „8 Септември“

Од:

Претседателот Стево Пендаровски денеска во Варшава, во рамки на неговата официјална посета на Република Полска, беше одликуван со највисокото полско одликување, Орден на Белиот Орел, како симбол на блиските дипломатски и политички релации меѓу двете држави и претседатели и потврда на македонско-полското пријателство и партнерство.

Претседателот Стево Пендаровски со Орден „8 Септември“ го одликуваше претседателот на Република Полска, Анджеј Дуда за исклучителен придонес во негувањето и во развивањето на дипломатските односи меѓу Република Полска и Република Северна Македонија, за неговото посветено застапување и зајакнување на стратешките цели на Северна Македонија, со цел зачленување во Европската Унија и во НАТО, како и за продлабочувањето на пријателските релации и стратешки соработки помеѓу двете земји на социо-културен план, што придонесува за демократските процеси на нашата земја.

Претседателот Пендаровски престојува во дводневна официјална посета на Република Полска. Со државни и воени почести, изутрината во Варшава, беше пречекан од претседателот на Република Полска, Анджеј Дуда, по што се одржа тет-а-тет средба на двајцата претседатели и пленарен состанок на македонската и полската делегација.

Претседателот Пендаровски попладне ќе оствари средба и со премиерот на Република Полска, Матеуж Моравјецки, а заедно со претседателот Дуда ќе присуствува и ќе се обрати на средба со претставници на полските комори и бизниси и македонски претставници од бизнис секторот.

Би можело да ве интересира

Пендаровски: Секоја нова провокација или атак на нашиот идентитет го усложнува процесот на уставни измени

Катерина Павлова-Николовска

Џамбаски: Македонија била и е бугарска, со забрана за влез нема да ја избришете вистината

Катерина Павлова-Николовска

(ВИДЕО) Пендаровски му врати на Милков: Грозна е изјавата за традицијата на колежи, кога ќе има време нека прошета до Ваташа

Кристијан Ландов

Пендаровски бара да му се забрани влез на Џамбаски во Македонија

Кристијан Ландов

Кај Пендаровски седница на Советот за безбедност

Пендаровски покровител на „2023–Година во чест на Ацо Шопов“