Кандидатот за претседател Стево Пендаровски поддржан од СДСМ, на денешната трибина со граѓаните на Свети Николе рече дека допрво следува отворањето на европските фондови кои ќе донесат нови инвестиции нови работни места но и конкурентно земјоделство, пораст на откупните цени и стабилизација и сигурен откуп, а дека тоа е најважно за земјоделците.
„Свети Николе има голем земјоделско-сточарски потенцијал. Откога го решивме спорот со името на земјава и се отворија нови перспективи. Порасна економијата, порасна просечната плата, се намали невработеноста. Позитивните резултати во земјава беа видливи по нецела година од Преспанскиот договор, видливи се и денес.
Тој во својот говор се осврна и кон своите политички опоненти.
„Ако некој мисли дека Гордана Силјановска нуди нешто различно од Иванов, се лаже, ако некој мисли дека Мицковски нуди нешто различно од Груевски, се лаже. Ние, заедно со премиерот Заев, заедно со сите прогресивни сили ги отвораме портите на светот за нашата држава“ рече Пендаровски.