СВР Охрид поднесе кривична пријава против 25-годишниот И.И. (25) од Охрид поради постоење основи на сомнение за сторено казнено дело „полов напад врз малолетник кој не наполнил 14 години“.
Како што информира порпаролот на СВР Охрид Стефан Димоски, но почетокот од ноември минатата година, пријавениот креирал лажен фејсбук профил „Киколо гико“ по што набрзо воспоставил контакт со 13-годишен ученик од Охрид.
-Во меѓусебната комуникација, И.И. на оштетениот му кажал дека има 24 години и дека ќе му даде мобилен телефон „Ајфон“ доколку дојде во неговиот дом лично да се запознаат. Притоа си разменале и телефонски броеви. По неколку дена, оштетениот малолетник и пријавениот, во телефонски разговор се договориле кога и каде лично да се запознаат. Нивната средба се случила кога оштетениот после училишните часови пристигнал пред куќата и заедно се упатиле на третиот спрат, вели Димоски.
Како што додава, И.И. се обидел со убави зборови да го одоброволи малолетникот на орален чин а потоа му упатил заканителни зборови и го приморал да го направи тоа.
-По кусо време, на ист начин сега притворениот И.И. извршил полово дејств врз оштетеното малолетно лице. Со ветување дека ќе му даде мобилен телефон, притворениот И.И. до 25-ти декември минатата година остварил уште неколку исти средби со малолетното лице, појаснува Димоски.
По пријава од страна на мајката на малолетникот и во нејзино присуство, СВР Охрид во консултација со Основното јавно обвинителство и Центарот за социјални работи, изврши разговор со оштетениот малолетник и неговите законски застапници.
СВР Охрид изврши претрес во неговиот дом од каде се одземени повеќе предмети а на 5-ти овој месец е извршено е препознавање на пријавениот.
Основниот суд Охрид на осомничениот И.И. му одреди мерка притвор во траење до 30 дена.