Неодамна Министерството за култура во соработка со Завод и музеј – Прилеп ги зацврсти темелите на Саат-кулата,запирајќи го понатамошното нејзино накривување на сегашните 15 сантиметри.Сега на ред е партерното уредување на околниот простор, при што надлежните посветуваат посебно внимание на тоа да се задржи автентичноста на амбиентот на Старата чаршија.
Според Бранко Нешковски, раководител на ЈП за ПУП при локалната самоуправа,проектот е речиси готов,тендерот се очекува да излезе во секој момент и до првата половина на јули,пред почетокот на Пиво-фестот, партерното уредување околу Саатот да биде целосно завршено.
Напоредно со реконструкцијата на Градскиот саат, се планира и целосносна реконструкција и освежување на патеките,освежување на зелените површини,а ќе се пристапи и кон унифицирано реновирање на фасадите на дуќаните што се наоѓаат во Старата чаршија, со цел да се задржи и да се продлабочи автентичноста на тој простор.