Парното греење ќе се нормализира во текот на вечерта најавуваат од ЕСМ

Од:

Скопјани останаа без парно греење по прекинот на електричната енергија во повеќето скопски населби. Од ЕСМ информираа дека греењето ќе се нормализира.

„Што се однесува до системот за парно греење во Скопје, прекинот е настанат поради прекинот на електрична енергија која е неопходна за работа на пумпите во топланите и на пумпите во зградите. Пумпите автоматски се вклучуваат при обновен доток на електрична енергија и е потребно извесно време за нивно подигање, со што се очекува во текот на вечерта греењето да се врати во нормала. Во зградите коишто се постари и со постар тип на топлотни пумпи, вклучувањето ќе се изврши рачно од страна на стручни лица“, велат од ЕСМ.

Оттука додаваат дека производството на електрична енергија од АД ЕСМ тече според предвидениот план за производство и согласно номинациите на ЕВН и другите потреби.

Работат два блока во РЕК Битола, гасната електрана Енергетика во Скопје, еден котел во ТЕЦ Неготин, хидроелектраните според потребите и се презема и електричната енергија од ТЕ-ТО, согласно важечкиот договор.

Нема никаков застој во производството и електраните се подготвени во секој момент да испорачаат потребни количини енергија во системот.

Би можело да ве интересира

Владата ќе ја покрие разликата во цената на парното

Катерина Павлова-Николовска

Владата го продолжи рокот за постоење на кризна состојба со топлинска енергија до 30 април

А1он

Цената на топлинската енергија утврдена согласно берзанските цени на природниот гас, сметките ќе останат исти

А1он

Пониски сметки за граѓаните кои имале послабо греење или студени радијатори порачуваат од Регулаторна

Катерина Павлова-Николовска

ЕСМ го презеде управувањето со БЕГ и Топлана Скопје Север

Ана Ололовска

ЕСМ го презема управувањето и со топланата Скопје Север

А1он