Поглаварот на Римокатоличката црква, папата Франциск, во рамки на неговата прва посета на државава, попладне во Католичката црква „Пресвето срце Исусово“ во Скопје ќе се сретне со свештениците, нивните семејства и богопосветените.
Тој претходно ќе има средба со државниот врв и со претставници на цивилното општество и на дипломатскиот кор, ќе одржи света литургија на плоштадот „Македонија“. Во Спомен куќата на Света Мајка Тереза тој ќе се сретне со лидерите на верските заедници, а во Католичката црква ќе разговара и со младите.
Во катедралата ќе можат да влезат само богопосветените лица – бискупи, свештеници (и нивните семејства), монаси, монахињи и богослови кои ќе бидат пријавени на настанот, со приложување на влезниците што ги добиле при самата пријава.