„Претседателот на Основен суд Скопје 1, Владимир Панчевски, како и судијата на претходната постапка, Славјанка Јанкоска, во случајот каде што овластената градежна инспекторка од општина Центар е тужена, се иземаат од случајот. Вака одлучи Апелацискиот суд.
Адвокатот на инспекторката, во поднесеното барање за изземање на судија кој постапува и на претседателот според член 33, став 2 од Кривичен законик, наведува дека причина за изземањето е постоење основа за непристрасност за постапување на судиите поради фактот што како оштететен се јавува претседател на судот, па поради колегијалните односи се доведува во прашање постапувањето на судиите.
Панчевски изјавил дека не постојат причини за негово изземање, бидејќи освен колегијални, нема лични односи со судиите.
Истовремено, Апелација не го уважи барањето за изземање на сите судии од Основен суд Скопје 1, бидејќи странката може да бара изземање на судии само поединечно.
Предметот ќе се распредели автоматски на друг судија во кривичниот оддел, согласно годишниот распоред на судот.
За потсетување, овластен градежен инспекот на општина Центар констатираше дека претседателот на судот Владимир Панчевски со двајца роднини, без одобрение изградил уште два спрата на објектот на улица „Никола Вапцаров“ бр. 6.
Општина Центар, ги изврши подготовките за уривање на бесправно изградениот објект, но вчера инвеститорите, кои претходно тврдеа дека се работи за политичка хајка против претседателот на Кривичниот суд, сами пристапија кон уривање на објектот“, се вели во соопштението на Општина Центар.