Палевски и соработниците седнуваат на обвинителна клупа, почнува судењето за убиството на Вања и Панче

Од:

Судењето поврзано со убиството на малолетната Вања Ѓорчевска и велешанецот Панче Жежовски денеска треба да започне во Кривичниот суд во Скопје.

Основното јавно обвинителство Скопје најпрво поднесе обвинение против четири лица, а потоа и за првоосомничениот Љупчо Палевски за кого се чекаше екстрадиција од Турција, за двојното грабнување и свирепо убиство на 14-годишната Вања Ѓорчевска од Скопје и 74-годишниот Панче Жежовски од Велес.

Основниот кривичен суд ги одобри во целост обвиненијата и на барање на Обвинителството ги спои во една постапка во која покрај Палевски, обвинети се и Боре Видевски, Велибор Манев и Влатко Кешишов, како и таткото на девојчето, Александар Ѓорчевски.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Би можело да ве интересира

Палевски: Целиот процес е „конструиран политички прогон“, УБК ме местеше за наводен атентат врз Заев

Палевски: Една година лажете дека сум ја грабнал и убил Вања, во тоа време бев во банка

Адвокатот на Палевски тврди: Мое лично мислење е дека пресудата е однапред донесена

Палевски: Доказите против мене се фалсификувани, нецелосни и манипулативни

Манев: Предметот за убиството на Вања и Панче треба да се врати или во фаза на истрага или да се одреди реконструкција

Горан Наумовски

Се разболе адвокатот на Палевски, одложено е денешното рочиште