Љупчо Палевски Палчо, првообвинет за убиството на 14-годишната Вања Ѓорчевска и на велешанецот Панче Жежовски, попладнево е екстрадиран во Македонија.
Како што дознава А1он Палчо веќе слетал попладнево на скопскиот аеродром со лет од Турција и во тек е негово спроведување во Истражниот затвор Скопје.
Палевски ќе биде сместен во посебно одделение во затворот во Шутка. Тој ќе биде под посебно обезбедување, во засебна ќелија.
Тој беше уапсен на 6 декември минатата година, откако првично избега во Србија па оттаму преку Бугарија стигна во Турција. Беше уапсен од страна на турската полиција во градот Баликесир.
Процедурите за негова екстрадиција траеа речиси 6 месеци.