Собранието на Република Македонија денеска во рамки на 29. седница ќе расправа за Предлог законот за изменување и дополнување на Законот за високото образование, во прво читање.
На дневен ред се и предлог законите за изменување и дополнување на законите за за основното и за средното образование, како и предлог законите за Академијата за наставници, за наставници во основните и средните училишта, за oбука и испит за директор на основно училиште, средно училиште, ученички дом и отворен граѓански универзитет за доживотно учење и за високообразовните установи за образование на наставен кадар во предучилишното воспитание, основното и средното образование, сите во прво читање.
Пратениците треба да ги разгледаат по скратена постапка предлозите за изменување и дополнување на Законот за задолжница и на Законот за финансиска дисциплина, како и предлог законите за изменување и дополнување на Законот за заштита на децата и на Законот за производи за заштита на растенијата, во прво читање.
Меѓу 30-те предложени точки се и предлог законите за градежно земјиште и за забрана и спречување на вршење нерегистрирана дејност, предлозите за дополнување на Законот за угостителска дејност и за заштита на културното наследство, дополнетите предлог закони за издавачката дејност и за одредување на видот и одмерување на висината на казната, за просторно и урбанистичко планирање и за домување.
На денешната последна пленарна седница во оваа година, ќе се расправа и за предлозите за изменување и дополнување на законите за административни службеници и за вработените во јавниот сектор.