Во пресрет на новогодишните празници, градоначалникот Филип Темелковски ги посети учениците од ПОУ Др. „Златан Сремец“ и ДУРДМОВ „Димитар Влахов”, институции кои се лоцирани на територија на општина Кисела Вода. Подарувајќи им пакетчиња на дечињата, тој им посака здравје и среќа во Новата година.
Средбата со директорите на овие две институции, беше искористена и за да се разменат мислења за потребите што ги имаат учениците и законските можности на локалната самоуправа за да им се излезе во пресрет.
Директорите, во име на учениците ја изразија својата благодарност, а градоначалникот на Општина Кисела Вода својата подготвеност за продолжување на континуираната соработка преку која треба да се надминат проблемите со кои се соочуваат дечињата и да се надминат предрасудите со кои е обременета средината во која живеат.
