Пациент починал неколку часа откако не бил примен на Инфективното одделение во Велес, се чекаат резултати за коронавирус

Од:

Велешанец кој бил однесен со Брза помош на Клиниката за инфективни болести-Велес, не бил примен од дежурниот персонал, за по неколку часа состојбата нагло да му се влоши, по што починал, дознава „А1он“. Станува збор за повозрасно лице кое имало над 70 години, чие семејство се сомневало дека можеби е заболен од коронавирус.

На велешанецот му била направена епидемиолошка анкета за коронавирус од страна на Центарот за јавно здравје-Велес вчера во попладните часови, објаснуваат оттаму за „А1он“. Резултатите се уште не се готови.

Вечерта, состојбата на велешанецот нагло се влошила, по што семејството повикало Брза помош и тој бил транспортиран до Инфективното одделение-Велес. Според нашите извори, тој не бил примен од дежурниот персонал, по што бил вратен дома. По неколку часа, починал.

Неговото здравје се влошило откако му бил земен примерокот за испитување за коронавирус од Центарот за јавно здравје-Велес. Тие велат дека во тој момент, велешанецот бил подвижен.

Од велешкиот Центар за јавно здравје за „А1он“ додаваат и дека во епидемиолошката анкета која му била направена од нив, сега починатиот кажал дека немал контакт со лице заболено со коронавирус, а пак, во семејството немало лице кое патувало надвор од државата. Иако според анкетата немало сомневања дека е заболен со коронавирус, по инсистирање на семејството му бил земен брис.

Би можело да ве интересира

Министрите за здравство на земјите од Берлинскиот процес договараа подобра координација во борба против Ковид-19, вчера во земјава 640 заразени

Ана Ололовска

Ексминистерот Никола Попоски е позитивен на коронавирус

Жарко Настоски

Во Скопје седуммина починати и 272 новозаразени, Аеродром и Карпош со најмногу активни случаи

Жарко Настоски

640 нови случаи на Ковид-19, починаа 12 пациенти

Жарко Настоски

Кочанската болница се полни со пациенти откако презема болни од Ковид-19 од Штип

Жарко Настоски

Три медицински сестри од Клиниката за Гинекологија позитивни на коронавирус, еден доктор и директорката се во изолација

Жарко Настоски