Театарскиот ораториум „Ромео и Јулија“ со кој беше отворено годинешното „Охридско лето“ својот живот го продолжува со успешната премиера во Русија, изведена на сцената на театарот во Санкт Петерсбург.
Со долготрајни аплаузи била наградена бројната театарска екипа предводена од актерот Дејан Лилиќ, кого публиката го оценила за најдобар Ромео што го виделе Русите, информираат нашите учесници.
Интересот за претставата во Санкт Петерсбург бил голем што се барал билет повеќе, а во салата се поставувале дополнителни седишта.
Дека руската театарска публика е заинтересирана за премиерната изведба на „Ромео и Јулија“ потврдува фактот што билетите биле распродадени уште три дена пред прикажувањето.