Со богата културно-уметничка програма, основното општинско училиште „Страшо Пинџур” во Кавадарци денеска одбележа 98 години од раѓањето и 70 години од смртта на народниот херој.
Учениците читаа песни посветени на Страшо Пинџур, слободата и татковината, а беше положено и цвеќе пред неговата биста во училиштето.
– Горди сме што од училиште пред затворање, станавме институција со реноме во која родителите на учениците бараат место повеќе за своите деца, рече директорката Горица Пеливанова.