Учениците со посебни потреби во ООУ „Јан Амос Коменски“ се дел од наставната програма која се спроведува во училиштата. Во проектот на УСАИД за е-пристапно образование, кое е во соработка со здружението „Отворете ги прозорците“, се вклучи и општинското училиште „Јан Амос Коменски“.
Во првата фаза од проектот, која започна во 2011 година, учениците се стекнаа со базични знаења за примената на асистивната технологија, а наставничкиот кадар во работата со учениците кои имаат развојни проблеми и посебни образовни потреби. Асистивни уреди беа распоредени во училниците во одделенска и предметна настава. Благодарение на тие уреди и едукацијата која наставниците неуморно ја пружаа, развојот и напредокот на овие ученици е во подем.
Во почетокот на 2012 година, во училиштето се уреди просторија за индивиуална работа на учениците со посебни образовни потреби. Таа содржи уреди за потребите на учениците со нагледни, дидактички, манипулативни средства и помагала како и современа асистивна технологија. Донацијата “екран на допир“ е поради перманентното користење на асистивните уреди како и учество со практични примери од училиштето во прирачник за примена во асистивната технологија. Овој екран им дава одлична можност на учениците, преку едукативен софтвер да се стекнат со знаења, со што особено е важно за визиомоторната координација и полесно следење на едукативните содржини од учениците. Особена корист од овој екран имаат учениците со аутизам, интелектуална попреченост и телесна попреченост.