Државниот универзитет во Тетово (ДУТ) денеска организираше промоција на академската понуда за учебната 2013/2014 година.
Во рамките на отворените денови потенцијалните студенти денеска и во текот на утрешниот ден ќе можат да се информираат за студиските програми, моделите на студирање и условите за упис на универзитетот.
– Во досегашните промотивни активности ние сме се претставиле во сите средни училишта во државата, а сме учествувле и на саемите за образование во Скопје и Приштина. На отворените денови ќе бидат промовирани и новите студиски програми за специјална едукација и рехабилитација, математика во финасии и бизнис, менаџирање на квалитетот на храната и драматургија и уметничка режија. Покрај во дисперзираните студии од оваа година програмите за бизнис администрација, екологија и политички науки ќе бидат отворени и во Тетово, рече ректорот Вулнет Амети.
Во новата учебна година на ДУТ планирано е да се запишат 5.630 нови студенти кои своето образование ќе го продолжат на еден од 11-те факултети на оваа високообразовна институција во Тетово, но и на дисперзираните студии во повеќе градови низ Македонија.