Градоначалникот на општина Центар Владимир Тодоровиќ денеска го отвори новиот клуб на пензионери што се наоѓа на улица „Пролет“, во реновираните простории на Урбаната заедница „Мирче Мацан“, зад трговски центар „Веро“. Клубот е со површина од 30 метри квадратни и ќе работи од понеделник до петок од 10 до 14 часот.
– Во општина одлучивме во сите клубови пензионерите да го добиваат скоро целиот дневен печат. Клубот е опремен со шах табли и со домино, рече Тодоровиќ.
Наредниот период ќе се отвори уште еден клуб за пензионери на улицата „Водњанска“, на територија на Урбаната заедница „Кочо Рацин“ со површина од 46 метри кавдартни.
Претседателот на Здружението на пензионери на општина Центар Павле Спасев истакна дека имаа одлична соработа со општината и со градоначалникот Тодоровиќ. Додаде дека овој клуб ќе го посетуваат над 700 пензионери, само од огранокот „Раде Јовчевски-Корчагин“.
Пензионерите од општина Центар се задоволни од новоотворениот клуб, од добрата локација и сметаат дека тој ќе биде многу посетен.