Во Градската општа болница „8 Септември“ во Скопје денеска e отворен нов Центар за дијализа.
центарот е организиран и опремен според европски услови и стандарди, и ќе има 34 приклучоци за дијализни машини.
„Ќе го зголемиме бројот на дијализните места од 18 на 30. На секој апарат може да се дијализираат четири пациенти во две смени односно шест во три смени. Планот е во почетокот да бидат две смени. Во овој момент ќе можеме да дијализираме 120 пациенти од Скопје, а во моментот во нашиот стар центар за дијализа има 68 пациенти. Се надевам дека овој Центар ќе биде и указ такви центри да има повеќе во Македонија“, рече Директорот на болницата „8 Септември“, Сашо Стојчев.
Официјалното пуштање во употреба на Центарот, ќе биде до крајот на месецот.
Директорката на Фондот за здравствено осигурување на Македонија, Маја Парнарџиева-Змејкова истакна дека со новиот Центар значително ќе се подобри здравствената услуга.