Во Ресурсниот центар на СОС Детско село денеска беше отворен Клуб на млади, со поддршка на општина Гази Баба.
Целта на овој клуб е да да ги зајакне капацитетите на корисниците на услугите, чија крајна цел е вработување, помош при развивање на бизнис идеи во конкретен бизнис план и давање грантови за отворање на мали бизниси, пристап до информации за слободни работни места, кариерно советување, објавување на огласи за работа, размена на искуства, знаења, мотивација и вмрежување на младите.
Присутните на настанот ги поздравија претседателката на Управниот одбор на СОС Детско село, Зорица Серафимовска Арсовска, градоначалникот, Борис Георгиевски, претставник од фондацијата Херман Гмајнер, Корнелиа Маер и менаџерот на Проектот, Корнелија Ципушева Спасовска.
Во овие активности ќе биде вклучен и бизнис секторот од општина Гази Баба. Соработката помеѓу општината и Ресурсниот центар се заокружува со Агенцијата за вработување, од каде младите лица кои ги имаат поминато обуките, ќе бидат упатувани на соодветни работни места.