На пригодна свеченост, Асоцијацијата за демократска иницијатива (АДИ) го отвори Граѓанскиот ресурсен центар во Гостивар во кој граѓанските организации западаниот регион ќе добиваат поддршка и помош при нивната работа. Центарот е еден трите вакви во Скопје и Штип и е дел од програмата Национален ресурсен центар за граѓанските организации.
Пред присутните претставници на невладини организации и локалната самоуправа се обратија Александар Кржаловски, прв извршен директор на Македонскиот центар за меѓународна соработка (МЦМС) кој ја нагласи важноста од отварњето на вакво центар.
– Во овој центар, граѓанските организации и граѓаните во иднина ќе можат да доаѓаат и да се информираат за новостите во граѓанското организирање, законските регулативи, за учество во проекти, да развиваат соработка меѓу себе, и да го користат центарот за свои настани или за обуки, рече Александар Кржаловски, прв извршен директор на МЦМС.
Отварањето на ценатрот го поздрави и градоначалникот Арбен Таравари, кој потенцираше дека ова важна поддршка на граѓаните и граѓанските организации бидејќи на полесен начин добиваат можност за бесплатна едукација и информирање.
Со програмата Национален ресурсен центар за граѓанските организации ќе функционираат три ресурсни центри во Скопје, Гостивар и Штип, во партнерство со Медиа Плус од Штип и Асоцијација за демократски иницијативи од Гостивар, а е поддржан од Европската Унија.