На 26 мај 2015 година (вторник) со почеток во 10 часот, во конференциската сала на кабинетот на претседателот на Советот на општина Центар, Центарот на заедницата на општина Центар го организира првиот отворен ден со Комисијата за комунални работи и заштита на животната средина на Советот на општина Центар и надлежните сектори на општината.
На средбата ќе присуствуваат Дарко Атанасовски, претседател на Комисијата за комунални работи и заштита на животна средина, Кочо Стојчески, раководител на Секторот за инспекциски работи и Горан Иљоски, раководител на Сектор за уредување на градежно земјиште при општина Центар.
Целта на отворениот ден е граѓаните да се вклучат со свои предлози и идеи во работата на Комисијата за комунални работи и заштита на животната средина и да се запознаат со надлежностите и работата на Секторите за инспекциски работи и уредување на градежно земјиште. На отворениот ден граѓаните/ките имаат можност да разговараат со претставниците од општина Центар и да ги изнесат своите проблеми поврзани со комуналните работи и заштитата на животната средина.
Учеството на граѓаните на отворениот ден, кој е прв од неколкуте планирани, придонесува во остварувањето на долгорочната цел на Центарот на заеднивцата на општина Центар, вклучување на граѓаните во донесувањето одлуки на локално ниво.