Во јавната општинска установа Библиотека „Искра“ во Кочани е отворен 9.Саем на книгата кој се организира по повод Месецот на книгата 2014 година. Интересот на издавачките куќи за излагање на саемот е голем.
– На оваа саемска манифестација учествуваат 12 издавачки куќи од Македонија со 1.000 наслови и 3.300 примероци на книги. Посетителите и граѓаните на Кочани ќе можат по саемски цени да ги набават најновите дела на светските класици, но и лектирни изданија и белетристика, истакна директорот на ЈОУ Библиотека „Искра“, Сузана Горгиева на отварањето на Саемот.
На свеченото отворање на Саемот на книгата, проф. др.Гордана Панова донираше книги стручна литература по психологија за студентите по медицина.